Føroyar lesa skipar í vetur fyri kapping um besta lesiátakið. Kappingin hevur til endamáls at fáa næmingarnar at lesa meira og at leggja lunnar undir góðar lesivanar. Kappingin er fyri dagstovnar, fólkaskúlar og miðnámsskúlar og vinnandi hugskotini vinna 5.000 kr. hvør.

Rithøvundavitjanin er skipað sum ein klippikortsskipan, ið er ókeypis hjá skúlunum at brúka. Skúlar venda sær til Føroyar lesa og fáa eitt klippikort, sum teir kunnu brúka eftir ynski.

Seinastu vikurnar hava næmingarnir á Listabreytini klipt, klistrað, teknað og málað ymiskt úr bókini. Serliga hava tey arbeitt við støddarmuni, sum er berandi evnið í bókini. Eitt nú hava tey gjørt sopparnar úr klistribandi bæði í mans- og pinkulingastødd, baðikarið hjá Dilluni, rúmdarrakettina og húsini hjá Mumbomammuni og Baba Jaga.