Í nýggjasta Bókabrell viðmæla bókavørðirnir í Bókasavninum við Løkin níggju ymiskar bøkur og filmar, ið kunnu lánast ella stroymast umvegis føroysku bókasøvnini. Fá íblástur til inniligar, stuttligar og læruríkar upplivingar til eygu og oyru.

- Vinmenninir og eg hava ein bókaklubba, so eg fari at lesa 1984 eftir George Orwell, sum er á skránni í bókaklubbanum. Í fjør lósu vit Animal Farm eftir Orwell, og hana dámdi mær væl – hon var áhugaverd, stuttlig og syrgilig at lesa – snúði seg um djór á einum bóndagarði, sum gera uppreistur móti menniskjum, men enda við at líkjast teimum til síðst.

Ljóðbók við í summarfrí? Her fært tú trý góð hugskot frá Býarbókasavninum. Síðsta ár gjørdust fyrstu føroysku ljóðbøkurnar tøkar á ljóðbókasavninum eReolen, og tað hevur havt við sær, at føroysku ljóðbøkurnar nú eru millum mest læntu ljóðbøkurnar hjá Býarbókasavninum.